¨°o.O ( أنواع الانـتـنـات بالتفصيل ) O.o°"
بداية الموضوع ده للناس المبتدئه فى مجال شبكات الوايرلس
واللى معلوماتهم عن الموضوع بسيطه جدا
هحاول ان شاء الله اشرح الموضوع من اوله خالص والله المستعان
أول حاجه نتعرف فيها على انواع الانتنات ( الهوائيات ) المستخدمه فى الوايرلس
Omni antenna
تسخدم للبث فى جميع الاتجهات ( 360 درجه )
وتنقسم لنوعين
omni rubber duck antenna
أو
Indoor antenna
&
Outdoor antenna
omni rubber duck antenna or Indoor antenna
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 640x333 .
مميزاتها :-
• تبث فى جميع التجاهات بزاويه 360 درجه أفقى
وزاوية تقترب من 360 رأسى
( بالعربى كده الانتنات الإن دور بتبث فى جميع الاتجهات وضمن ذلك فوق الانتنا وتحتها ايضا )
وهنعرف الاختلاف لما نشوف الانتنا الاوت دور
• رخيصة السعر
• صغيرة الحجم وخفيفه
قدرة بث الانتنات الإندور تصل حتى 9 dbi
مخطط لانتنا 2dbi إن دور
شرح المخطط ببساطه
اللى على اليمين بتوضح توزيع الاشاره الأفقيه ويتضح انها مغطيه 360 درجه بنفس الكفائه
اللى على الشمال توزيع الاشاره الرئسيه وهنا توزيعها ليس متساوى حيث يقل فوق وتحت الانتنا نسبيا
Outdoor omni antenna
اتفقنا ان اى انتنا اومنى بتبث فى جميع الاتجاهات
طيب ايه الفرق بين الانتنات الإندور والاوتدور ؟
• الانتنات الاوت دور مخصصه للعمل خارج المنزل فى مختلف الظروف الجويه من رياح وامطار وثلوج واتربه
اما الإندور للاماكن المغلقه لانها لا تتحمل الظروف الجويه
• تتوفر الانتنات الاوت دور بقدرة بث كبيره تصل إلى 15 dbi
مخطط للانتنا الشهيره
Hyberlink 15 dBi Omnidirectional Antenna
ككل الانتنات الاومنى واضح فى المخطط اللى على الشمال للمسقط الافقى توزيع الاشاره فى جميع الاتجاهات بالتساوى تماما
اما راسيا هنا يكون الاختلاف
نجد ان الاشاره فى المنتصف اعلى واسفل الانتنا تكون منخفضه ( لكنها موجوده )
اما فى المسافات البعيده تزيد الاشاره
( بالبلدى ان اشارة الانتنا تكون اعلى عند تساوى مستوى الارسال والاستقبال )
بعض الملاحظات حول الانتنات الـ Omni
كلما زادت قدرة بث الانتنا كلما قل التوزيع الرئسى لها
بمعنى ان الانتنا الـ 2 dbi تبث فى فوقها وتحتها باشاره عاليه تكاد تقترب من اشارتها الافقيه
اما الانتنات الاعلى مثل 12 dbi تكون اشارتها فوقها وتحتها منخفضه وتكون اعلى ما يمكن فى مستواها
الانتنات الـ Indoor يمكن ان تعمل Outdoor وتستخدم دائما فى محطات الاستقبال فى مصر
اعلى قدرة للانتنات الإند دور هى 9 dbi وليس 10
اشهر انواع الانتنات الـ Indoor
Hyberlink
Alfa
اشهر انواع الانتنات الـ Outdoor
Hyberlink
Airlink
Rebotic
BTA
Airlive
نستكمل انواع الانتنات
Sector antenna
تعمل هذه الانتنات فى زوايا بث معينه تتراوح بين
90 : 120 : 180 درجه
وتستخدم 4 انتنا بزاويا 90 لتغطيه 360 درجه فى جميع الاتجاهات
او 3 انتنات 120 درجه
او 2 انتنا 180 درجه
ميزة هذه الانتنات ان لها ميل فى اتجاه الارض مما يضمن توزيع الاشاره على جميع المستوايات
ولكن اسعارها غاليه وكل انتنا تحتاج اكسس بوينت منفصل
Grid antenna
الانتنات الشبكيه
هى انتنات توجيهيه لنقل الانترنت من نقطه لنقطه فقط
وقد تصل لمسافات كبيره جدا ( 50 كيلو )
ويتوقف ذلك على قدرة بث الانتنا والاكسس بوينت
تتراوح قدرتها من 15 dbi إلى 30 dbi
مخطط لانتنا جريد 30 dbi
طبعا الانتنا موجهه لنقطه معينه فيكون بثها فى زاوية ضيقه جدا فى المسقطين الرئسى والافقر
ولان هذا المخطط لانتنا 30 dbi فالزاوايا الخاصه بالبث كالاتى
Horizontal Beam Width 5.3°
Vertical Beam Width 5.3°
زوايا ضيقه جدا وتحتاج صبر عند محاولة تركيبها خصوصا لو 2 انتنا توجيهى متقابلين
Yagi Antenna
تصنف من الانتنات الـشبه موجهه
تستخدم مثل الانتنات الجريد فى نقل الانترنت من نقطه لنقطه
لكن تختلف فى ان زاوية بثها اكبر كثير من الانتنات الجريد
مخطط لانتنا ياجى 15 dbi
تصل قدرة الانتنات الياجى إلى 15 dbi
كده اتكلمنا عن اشهر انواع الانتنات وليس جميع انواعها
هذا الموضوع من مجهودى الشخصى بدون اى نقل وحصرى للدى فى دى
وباذن الله لو الموضوع نال اعجابكم هدخل فى انواع الاكسسات بشرح مبسط قريبا
تحياتى للجميع
Mohmmed Zaky
