تطوير : دمج التوزيع ببروفايلات السرعه مع عمليه فصل التصفح عن الداونلود نتيجه خياليه
بسم الله الرحمن الرحيم
كل صاحب شبكه فينا بيشتغل باسلوب مختلف عن الاخر وتوزيع حسب البيئه اللى هوا شايفها مناسبه ليه وفى كمان كتير جدا بيعانى فى التوزيع ومش عارف يملك شبكته ويتحكم فيها وزهقان من زن العملاء عليه وقافل موبايله طول اليوم علشان وجع الدماغ
عرفنا فى توزيعاتنا اننا نوزع ببروفايلات سرعه ونعطى لكل يوزر سرعه محدده ليه
عرفنا كمان نوزع بمعادلات السرعه ونريح الداونلود شويه للعميل علشان ياخد تصفح افضل
عرفنا نفصل امتدادات الداونلود ونعطيها سرعه شامله لكل الشبكه ونسيب الباقى للتصفح
عرفنا كمان نعطى لكل امتداد سرعه ونشكل عجينته على ايدينا زى ما نحب
كل واحد فينا ماشي باللى شايفه مناسب وبيحاول يطور فيه
النهارده وانا فى الشغل جه فى بالى اننا نخلى كل دول فى شبكه واحده وقعدت افكر ازاى تتعمل لحد ما الحمد لله جاتلى الفكره لعملها وتم التنفيذ تمام
انا عندى شبكه 8 ميجا فاتح فيها سرعه التصفح ومحدد لكل عميل سرعه لامتدادات الداونلود وكل واحد وسرعته وفاتح سرعه تصفح اليوتيوب بس كان في مشكله واقفه قدامى ان لو كام عميل فى وقت واحد بداوا داونلود امتدادات مش هيفضل حاجه للتصفح واليوتيوب انهم يقوموا بعملهم ولو حددت السرعه للداونلود شامله يبقى بظلم العملا عندى لان بكده الاول يكسب
النهارده الحمد لله قدرت احدد سرعه للداونلود الشبكه كلها متتخطاهاش وفى نفس الوقت كل واحد ليه سرعته ميتخطاهاش يعنى ايه الكلام دا
يعنى عندى 10 عملا كل واحد واخد سرعه 1 ميجا وعندى حد اقصى للداونلود 3 ميجا لو عميل واحد حمل هيسحب 1 ميجا من التلاته دول لو 2 حملوا هيسحبو 2 ميجا طيب لو خمسه بدأوا تحميل سوا السرعه هتدخل على الماكس ليميت وهيقوم بتوزيع ال 3 ميجا تلقائى على الخمس عملاء
بالبلدى كده فى 3 جنيه وكل واحد مقدرله جنيه يصرفه لكن العدد زاد وبقى 5 نمشى نفسنا ونوزع ال 3 جنيه علينا بالتساوى
طيب يا عم الرغى دا كلوا ومفيش اى حاجه لسه
يا عم جايلك اهوه
هنقسم السكربت لاكتر من جزئيه لان في كتير مننا عامل التوزيع وهاشرح الاضافه الخاصه بدمجهم فى النهايه
أولا: الفصل بين التصفح والداونلود
1- تحديد الامتدادات الخاصه بالتصفح والداونلود للعمل بتوزيعها بدون توزيع سرعات
d.b
2 - توزيع السرعات للداونلود باكثر من طريقه
queue simple
ثانيا: فتح سرعه التصفح واليوتيوب فى البروفايلات
دا رول مضبوط 100% ومجرب للنسخ فوق 3.30
right
ودا الرول الخاص برفع الامر اعلى التحديدات لضمان عمله
right script
وطريقه وضعه داخل البروفايلات هتكون زى الصوره
دلوقتى نيجى بقى للجديد وهوا الدمج بين الخاصيتين دول
هيكون عن طريق الكيو تري
فى الكيو تري لو عملنا ال بارينت جلوبال ان او جلوبال اوت بيلغى اى تحديد ليك نهائيا ويعمل بالكيو تري فقط
لكن لو اخترت كارت الخروج الخاص بيك هينحصر شغله على السرعه الكليه فقط بمعنى
لو عملت البارنت جلوبال اوت لو انت محدد مثلا 3 ميجا العملاء كلهم هيحملوا بالسرعه دى
لكن لو عملتها اوت فقط العميل هيحمل بسرعته المحدده فى البروفايل والعملاء كلهم حد اقصى ليهم السرعه المحدده فى الكيوترى
دا الرول الخاص بالكيوتري
queue tree
ودى صوره مصغره للكيو تري
ملحوظه : بعض الرولات هتكون مكرره وهتعطيك اخطاء فى النسخ لكن بدون مشاكل مجرد تكرار اسماء
لانى عامل الرولات كل رول على حده
بالتوفيق ان شاء الله
كل صاحب شبكه فينا بيشتغل باسلوب مختلف عن الاخر وتوزيع حسب البيئه اللى هوا شايفها مناسبه ليه وفى كمان كتير جدا بيعانى فى التوزيع ومش عارف يملك شبكته ويتحكم فيها وزهقان من زن العملاء عليه وقافل موبايله طول اليوم علشان وجع الدماغ
عرفنا فى توزيعاتنا اننا نوزع ببروفايلات سرعه ونعطى لكل يوزر سرعه محدده ليه
عرفنا كمان نوزع بمعادلات السرعه ونريح الداونلود شويه للعميل علشان ياخد تصفح افضل
عرفنا نفصل امتدادات الداونلود ونعطيها سرعه شامله لكل الشبكه ونسيب الباقى للتصفح
عرفنا كمان نعطى لكل امتداد سرعه ونشكل عجينته على ايدينا زى ما نحب
كل واحد فينا ماشي باللى شايفه مناسب وبيحاول يطور فيه
النهارده وانا فى الشغل جه فى بالى اننا نخلى كل دول فى شبكه واحده وقعدت افكر ازاى تتعمل لحد ما الحمد لله جاتلى الفكره لعملها وتم التنفيذ تمام
انا عندى شبكه 8 ميجا فاتح فيها سرعه التصفح ومحدد لكل عميل سرعه لامتدادات الداونلود وكل واحد وسرعته وفاتح سرعه تصفح اليوتيوب بس كان في مشكله واقفه قدامى ان لو كام عميل فى وقت واحد بداوا داونلود امتدادات مش هيفضل حاجه للتصفح واليوتيوب انهم يقوموا بعملهم ولو حددت السرعه للداونلود شامله يبقى بظلم العملا عندى لان بكده الاول يكسب
النهارده الحمد لله قدرت احدد سرعه للداونلود الشبكه كلها متتخطاهاش وفى نفس الوقت كل واحد ليه سرعته ميتخطاهاش يعنى ايه الكلام دا
يعنى عندى 10 عملا كل واحد واخد سرعه 1 ميجا وعندى حد اقصى للداونلود 3 ميجا لو عميل واحد حمل هيسحب 1 ميجا من التلاته دول لو 2 حملوا هيسحبو 2 ميجا طيب لو خمسه بدأوا تحميل سوا السرعه هتدخل على الماكس ليميت وهيقوم بتوزيع ال 3 ميجا تلقائى على الخمس عملاء
بالبلدى كده فى 3 جنيه وكل واحد مقدرله جنيه يصرفه لكن العدد زاد وبقى 5 نمشى نفسنا ونوزع ال 3 جنيه علينا بالتساوى
طيب يا عم الرغى دا كلوا ومفيش اى حاجه لسه
يا عم جايلك اهوه
هنقسم السكربت لاكتر من جزئيه لان في كتير مننا عامل التوزيع وهاشرح الاضافه الخاصه بدمجهم فى النهايه
أولا: الفصل بين التصفح والداونلود
1- تحديد الامتدادات الخاصه بالتصفح والداونلود للعمل بتوزيعها بدون توزيع سرعات
d.b
2 - توزيع السرعات للداونلود باكثر من طريقه
queue simple
ثانيا: فتح سرعه التصفح واليوتيوب فى البروفايلات
دا رول مضبوط 100% ومجرب للنسخ فوق 3.30
right
ودا الرول الخاص برفع الامر اعلى التحديدات لضمان عمله
right script
وطريقه وضعه داخل البروفايلات هتكون زى الصوره
دلوقتى نيجى بقى للجديد وهوا الدمج بين الخاصيتين دول
هيكون عن طريق الكيو تري
فى الكيو تري لو عملنا ال بارينت جلوبال ان او جلوبال اوت بيلغى اى تحديد ليك نهائيا ويعمل بالكيو تري فقط
لكن لو اخترت كارت الخروج الخاص بيك هينحصر شغله على السرعه الكليه فقط بمعنى
لو عملت البارنت جلوبال اوت لو انت محدد مثلا 3 ميجا العملاء كلهم هيحملوا بالسرعه دى
لكن لو عملتها اوت فقط العميل هيحمل بسرعته المحدده فى البروفايل والعملاء كلهم حد اقصى ليهم السرعه المحدده فى الكيوترى
دا الرول الخاص بالكيوتري
queue tree
ودى صوره مصغره للكيو تري
ملحوظه : بعض الرولات هتكون مكرره وهتعطيك اخطاء فى النسخ لكن بدون مشاكل مجرد تكرار اسماء
لانى عامل الرولات كل رول على حده
بالتوفيق ان شاء الله