بسم الله الرحمن الرحيم
احبتى فى الله انى احبكم فى الله
كنت
وعدت الاخوة الاعضاء بأستكمال سلسة اصنعها بنفسك لصناعة الانتينات بأنواعها
المختلفة وكنا بدأنا بالانتينا السكتور والحمد لله . ووعدت الناس انى هاكمل
بشرح صناعة الانتينا الفلات بانل بأشكال مختلفة وقدرات مختلفة . ناخد الناس
بأيديها خطوة بخطوة نعلمهمازاى ومنين يشتروا المكونات المطلوبة واسعارها
التفصيلية وانواعها فى السوق المصرىبحيث اننا بفضل الله ثم بالجهود الذاتية
نصنع الانتينات عالية الكفاءة وبتكاليف منخفضه . لكن الحمد لله الاخوة فى
المنتدى جزاهم الله كل خير الاخ حازم والاخ كالا الذين وضعوا تصميمات كتيرة
للانتينات البانل وشرحها . انهاردة بأذن الله هانظبط بعض النقاط المهمة جدا
فى صناعة الانتينات الفلات بانل واللى بتيجى من عامل الخبرة فالحمد لله من
اكتر من سنتين وانا شغال فى صناعة الانتينات . فى صورة سؤال وجواب هانشرح
بعض النقاط المهمة فى صناعة الفلات بانل .
بسم الله نبدأ:
س: ماهى الانتينات الفلات بانل ؟
ج: هى نوع
من انواعالانتينات التى تستخدم فى ارسال واستقبال الموجات الكهرومغناطيسية
وبتعتمد فىتصميمها على بورد النحاس المستخدمة فى صناعة الدوائر الالكترونية
مع وجود عاكس خلفى .
س: ياعنى انا لوجبت بوردةنحاس وحطيتها عاى عاكس هتبقى انتينا ؟
ج: لا طبعا الانتينامرسومة بأبعاد وقياسات دقيقة جدا وابعاد العاكس ايضا والمسلفة الفاصلة بين العاكسوالبوردة .
س: طيب قول لى على اجهزةموجودة فى السوق بتعتمد فى شغلها عاى الانتينات البانل .
ج : كتير من الاجهزةالمشهورة موجودة فى السوق زى النانو ستيشن بانواعة والبورستيشن بانواعة والديلىبرنت وكمان فى تبلنك موديل 5210
س: طيب اية اهم مميزات الانتينات الفلات بانل ؟
ج: اشارة ممتاذة وداتاريت محترمة وبينج خرافى
س:طيب الانتينات البانل بتستخدم فى الارسال ولا فى الاستقبال ؟
ج: الانتينات الفلات بانل
بتستخدم فى الاتنين ممكن تستخمها فى الارسال من نقطه الى عدة نقاط او فى
ارسال والاستقبال من نقطة الى نقطة او فى الاستقبال عند العميل لزيداة
الاشارة وزيادة كفاءة اللينك بين العميل والمحطه . س: اية الزويا المتاحة فى الانتينات الفلات بانل ؟
ج: كتيرة متاح الزاوية 40 و 60
ودول الاكثر شيوعا وموجود ال90 درجة زى الموجودة فى جهاز البورستيشن 2
وجهاز الديلى برنت وكمان فى الزاوية 120 فى الانتينات السيكتور البانل .
س:-طيب انت شجعتنى انى اصنعها انا محتاج اية علشان اصنعها ؟ج: حضرتك محتاج بوردة نحاس ومحتاج عاكس المونيوم وكمان كابل اشارة 50 اوم وكونيكتور وليكن sma س: طيب يا عنى اجيب اى بوردة نحاس pcb ؟ج
: سؤال هام جدا ونقطه كتير مش عارفها ان البورد النحاس عبارة عن جزئين
السطح النحاس والمادة العازلة الموجود عليها السطح النحاس طيب لو افترضا
اننا هانجيب افضل نوعت موجود من حيث جودة النحاس هل دة كفاية ؟لا لية .
هاقولك بس الاول نشرح الانتينا ازاى بتشتغل طبعا السحط النحاس بياخد
الاشارة الكهربية اللى جاية من الاكسس ويحولها الى اشارة كهرومغناطيسية
ويرسلها فى الجو قدامها ووراها والاشارة اللى وراها بتروح لحد العاكس بتصدم
بية وترد تانى فى الاتجاة الامامى . طيب فى نقطه مهمة يبقى حنا متحاجين ان
الاشارة اللى طالعة من السطح الناحاس ورايح ورا الانتبنا انها توصل لحد
العاكس بدون فقد وكمان الاشارة المرتدة من العاكس تعدى العازل وتسافر بدون
فقد . ياعنى من الاخ نتمنى ان يكون العزل ده هواء طبعا مش ممكن ولكن البورد
الوجودة فى السوق بيختلف ثابت العزل بتاعها وافضلها اللى هى العزل بتعها
عبارة عن فايبر وهى الاغلى مش العازل بتاعها كرتون مضغوط .س: طيب انت وعدت انك تقول المواد الخام نجيبها منين واسعارها ؟ج : طبعا وده همى وهدفى الاول البوردة
النحاس تباع عند محلات بيع القطع الالكترونية وفى القاهرة موجودة شركات
كتيرة فى باب اللوق زى هاى تك وغيرها وسعر الفرخ 60سم فى متر حوالى 85 جنيةالعاكس
الالمونيوم موجود فى شارع الجمهورية سعر الفرخ المتر فى مترين سمك واحد
ونص مللى حوالى 200 جنية واللى مش من القاهرة يسأل عنة بتاع الثلاجات القواعد
تثبيت البوردة على العاكس دى انا بشتريها من شركة رام عن طريق الموقع
بتاعه بس خلى بالكم الشحن غالى شوية بيجينى سوهاج ب 37 جنية وهاتلاقى
الارتفاعات مختلفة اللى انت عايزها الكابل ال 50 اوم موجود فى النخيلى سعر المتر حوالى 7 جنية الكونيكتور موجود فى البستان سعر الكيس حوالى 10 جنية دكر ونتاية .س : الاخوة شرحو التصنع عن طريق التحميض باالاحماض مافيش طريقة تانة ؟ج
: استخدم الحمض سهل وممتاذ جدا بس احينا مش بيدينى الدقى اللى انا عايزها
واحينا انساه شوية فياكل فى النحاس من تحت الدوكة . اكيد موجود طريقة تانية
ودى انا بستخدمها على طول بس محتاجة تركيز عالى ودقة كبيرة وهى بأستخدام
الكتر . حضرتك هتاخد رسمة الانتينا وتطبعها على ورقة ستيكر وتلزقها على
البوردة وتجيب كتر محترح ومسطرة حديد وتحدد الاريمة على النحاس وبعد كدة
تقشر الناحاس الزيادة ودى صور بسيطه من بعض الشغل اللى انا عاملة بالكتر(
فى المرفقات )س: طيب انا عملتها والانتينا كانت مبهرة وبعد اسبوع او عشرة ايام الاشارة نزلت لية ؟ج : اقولك يا اخى الحبيب السطح النحاس حساس جدا للرطوبة فمجبرد ما يكون معرض للهواء والرطوبة الناحاس بيصدى وبيربى طبقة سودا علية س: طيب اعمل اية يا عنى اروح اجيب علبة وتربروف بمبلغ وقدرة علشانها يبقى انا مافرتش حاجة ؟ج
: لا يا اخى الكريم مش هاتشترى علبة وتر بروف مخصوص للانتينا حضرتك هاتجيب
علبة دوكو سبراى شفاف من عند بتاع احدايا والبويات وترش بية سط الانتينا
وسيبها فى الجو 10 سنسن مش هايحصلها حاجة .
يارب اكون قدرت اوصل المعلومة
