بسم الله الرحمن الرحيم

زى ما انتوا عارفين ان انا مش بوزع انترنت من فتره لكن كل شغلي بيكون على شبكه استاذ محمود عصر ودا اخ ليا وبيدخل دايما بالاكونت بتاعى وساعات كمان بيرد على الاستفسارات بدلا عنى
المهم النهارده جالى وقالى على فكره كنت فى البدايه شايفها صعبه لكن الحمد لله قدرت اعملها محمود عنده 3 شبكات وكل شبكه فى بلد وكل بلد وليها طريقتها لكن شبكته اللى انا واخد منها كلها معموله باي باص فقالى انه عاوز يحولها يوزرات واحنا فى منطقه هتتعبه جدا فجاتله فكره انه يعملها يوزرات وباي باص فى نفس الوقت سألته ازاى قالى احنا نكتب كود يبحث فى الاكتف لو لقى اى عميل فى غير بروفايل قطع الخدمه يحوله باي باص اوتوماتيك ويقفل اليوزر كمان فى اليوزرز لحد اول الشهر الجديد بمجرد بدايته البروفايل يتحول اوتوماتيك لفصل الخدمه على الكل فى لحظه واحده ونفس الكود يمسح الباي باص فى الشبكه

صراحه عجبتنى الفكره جدا وفضلت من 2 بالليل لحد الفجر احاول مع الكود لحد ما الحمد لله وصلتله وجربناه واشتغل بفضل الله

طيب ايه مهمه الكود الكود مقسوم نصفين النصف الاول بيشتغل يوم 5 فى الشهر يوم لم الاشتراك بالنسبه ليه ولو هتعملها حضرتك هتكتب اليوم اللى انت بتلم فيه اشتراكك
والنص التانى بيشتغل بشكل دورى يوميا بيبحث فى اليوزرز على البروفايلات لو لقى بروفايل قطع الخدمه يتوقف ولو لقى بروفايل غير قطع الخدمه يدخل الاكتف يشوف اليوزر دا لو اكتف يحوله باي باص ويعمله كومنت باليوزر دا

مفهمناش حاجه من اللى بتقوله
نشرح بالبلدى
1- حضرتك هتعمل لكل عميل عندك يوزر وباص وورد ودا بيكون شهرى تمام
2- هتعمل كود يشتغل كل شهر يحول كل البروفايلات لبروفايل قطع الخدمه مره واحده علشان متتعبش نفسك
3- هتعمل كود يشتغل كل ساعه يكشف عن العملاء اللى انت حول بروفايلهم لغير قطع الخدمه يحولهم باي باص لواحده كمان يعمل ديزيبل لليوزر دا بحيث ميستعملوش على جهاز تانى
4- هتعمل بروفايل لقطع الخدمه وتسميه 45 لان عيب الاكواد فى البروفايلات لازم تشتغل على رقم مش اسم

الكود الأول ودا هيكون كل شهر
مهمته
1- يحول بروفايلات العملاء كلها لبروفايل 45 اللى هوا قطع الخدمه
2- يبحث فى كومنتات الباي باص عن اسماء العملاء ويمسحهم ( دى كان ممكن اعملها على كل الباي باص لكن اخدت احتياطى للريسيفرات وجهازك الشخصى لو عامله باي باص بحيث ميتمسحوش )
3- يفتح اليوزرز المعمول ليها ديزيبل بسبب الكود التانى

ودا الكود المشار اليه هتعمل بيه سكيدوال يشتغل كل شهر فى تاريخ لم اشتراكاتك

monthly


الكود الثانى ودا هيكون كل ساعه
مهمته
1- هيبحث فى اليوزرات بتاعتك عن البروفايل 45 المشار اليه لو وجده هيتوقف عمل الكود بالنسبه للعميل دا
2- اثناء بحثه لو وجد اي بروفايل غير البروفايل 45 هيدخل الاكتف يسحب بيانات العميل اللى لقاه ويعمل بيه باي باص فى الايبي بيندنج
3- لو عمل باي باص للعميل اوتوماتيك هيدخل على البروفايلات من تانى ويعمل ديزيبل لليوزر دا

ودا الكود المشار اليه

hotspot crazy

ما اتمناه هوا دعوه لى ولوالدتى رحمها الله
السلام عليكم ورحمه الله