اقوى اكسس بوينت ان دور و اعلى بور و اعلى داتا ريت واقل اشارة للربط بافلوwhr-hp-g300n

اقوى اكسس بوينت ان دور و اعلى بور و اعلى داتا ريت واقل اشارة للربط بافلوwhr-hp-g300n

الكاتب : Unknown التاريخ : مايو 15, 2014

كنت من فتره بتكلم مع موظفى مبيعات بافلو فى انجلترا ومع وكيل بافلو فى دبى ومع كام وكيل وكنا بنتكلم ونتناقش عن افضل الاجهزة الى تزداد فى المبيعات والجهاز الى اثبت كفاءة وطبعا الجهاز الى قرب انه يتعدى مبيعات الجهاز المشهور

كنت من فتره بتكلم مع موظفى مبيعات بافلو فى انجلترا ومع وكيل بافلو فى دبى ومع كام وكيل وكنا بنتكلم ونتناقش عن افضل الاجهزة الى تزداد فى المبيعات والجهاز الى اثبت كفاءة وطبعا الجهاز الى قرب انه يتعدى مبيعات الجهاز المشهور WHR-HP-G54 طبعا كلنا عارفينة الى شرحة الدكتور احمد على وشرحة حازم عامر وبتكلم معاهم وبسألهم على الموديلات الجديدة واتكلمنا عن الموضوع دة والمبيعات عندهم فى دبى وانجلترا مرتفعة كتير جدا على الجهاز WHR-HP-G300N وطبعا قولت لازم اجرب الجهاز طبعا كلمت حد من بتوع انجلترا الى انا تابع ليهم وقولتلهم عاوز قطعة WHR-HP-G300N واول لما وصلتنى قولت مش هعمل غير انى اقارنها الاول بالموديل القديم G54 طبعا دة حصل وجبت اخونا ايمن الى هوة عضويتة العربى وقولتلة يا ايمن خد الجهاز دة ركبة مكان الجهاز الى عندك ال G54 وقولى ايه اخبار شغلة معاه والجهاز موجود عنده لحد دلوقتى والنتائج هائلة جدا ومبشر جدا والداتا ريت مالهاش حل بنلعب عليه لعبة GENERAL وهيه لعبة حربية تقيله جدا وتقيله جدا والجهاز شغال ولا اكنة بينقل الداتا ريت من السلك ويمكن افضل وكارتين D-LINK B.G.N وماشاء الله جهاز جبار فى الداتا ريت وهعمله المقارنة ان شاء الله فى نفس الموضوع طبعا الجهاز راكب عند اخونا ايمن ومستنين النتيجة النهائية منة والاب تيم بتاعة وهوة من يوم الخميس شغال لحد دلوقتى بدون ريستارت التحميل عليه 7 اكسسات وطبعا هروح اصور كل شغلة وكل حاجة عنده ان شاء الله بكره او بعده بالكتير حسب ظروف الشغل عندى

طبعا قبل ما اشترى الجهاز عمل بحث واسع وشامل عن الجهاز كتير طبعا ولكن لما عرفت ان الجهاز هدية قولت ياعم الى ييجى من الانجليز مصلحة المهم الجهاز جة ووصل والحمدلله وطبعا فى اثناء بحثى لقيت موضوع طويل عريض لمهندسنا الكبير حازم عامر فى احد المنتديات الاجنبية الى انا مشترك فيها وبصراحة قلقنى جدا انه مش عارف يعلى الباور بتاعة اكتر من 21dbm طبعا كان الجهاز خلاص فى الطريق قولت اما نقعد ندور على الحل اتصلت طبعا بالشركة قولتلهم هل شيبست ATHEROS فيها مشاكل فى رفع البور والاجابة قالوهالى وبكل صراحة ان الجهاز بيترفع البور للمود G اكثر من 900 ملى وات قولت يا حلاوة ايه الجمال دة وللمود N 800 ملى وات قولت ماشاء الله المود N = 300MB/S والبور بتاعة 800 ملى وات جميل جدا جدا
وللأسف تقريبا حازم عامر كان بيجرب على المود B والبور بتاعة كان لا يتعدى 200 ملى وات ودة عيب الجهاز الوحيد

زهقتو من الرغى ولكنها مقدمة لكل شخص مقبل على انه يمتلك جهاز وايرلس ويشوف كل واحد بيفكر ازاى

طبعا الجهاز مش قدامى حاليا ولكن هوة السوف ال DD-WRT مافيهوش زيادة وانا هشرح الجهاز واحاول اتكلم عن كل حاجة فيه نقطة نقطة ان شاء الله النهاردة

نبتدى بشكل الجهاز كشئ بدائى

WHR-HP-G300N

 .


زى ماحنا شايفين

المود B يتم رفع البور حتى 122 ملى وات
المود G يتم رفع البور حتى 902 ملى وات
المود N يتم رفع البور حتى 796 ملى وات

طبعا هوة جهاز راوتر وايرلس واكسس بوينت هاى بور

يحتوى بداخلة على معالج
Atheros 7240 Chipset 400 MHz
معالج 400 ميجا هرتز
--------------------------------------------
الرام 32 ميجا هرتز
32MB RAM
-----------------------
ذاكرة داخلية 4 ميجا
4MB Flash ROM
----------------------------
يحتوى بداخلة على اتنين امبليفير
SST 12LP15A High-Gain Power Amplifiers X 2
---------------------------------------
الجهاز يحتوى على اتنين انتنا ان دور يمكن استبدالهم بأى نوع من الانتنات الاخرى
-------------------------------
ان لهذا الروتر WHR-HP-G300N هوة الجيل الجديد والمطور من بافلو الشركة اليابانية ويعتبر واحد من اقوى الروترات والاكسس بوينت الوايرلس الاكثر قوة وكفاءه فى جميع الاسواق الاوروبية والامريكية حتى الأن
-------------------------------------
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 690x807 .


دة شرح للجهاز من الخارج لكل شئ عنه وفيه خاصية لذيذه جدا انك تحولة اكسس بوينت او تحولة روتر واكسس بوينت فى نفس الوقت
-----------------------------------------
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1023x767 .

صورة تبين شكل الجهاز بالكامل من الداخل
-----------------------------------------------------------
صورة للجهاز على الطبيعة مع 2 انتنا 7 دى بى
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 768x1024 .

بسم الله ماشاء الله وتبارك الخلاق جهاز تحفة من الخارج بجد ومن الداخل كمان بقى تحفة اكتر واكتر والسوفت احلى واحلى وطبعا هندخل ونبص عليه بصة كمان من نفسنا
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1024x768 .

----------------------------------------------------
نيجى للجزئ الخاص بالاعدادات والسوفت
الصور هتوضع كل شئ وان شاء الله هحجز مشاركة تانية لشرح كل نقطة بالتفصيل
ونبتدى مع صفحة ال Status
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 804x881 .

طبعا الصور موضحة كل شئ ونذهب لباقى الصفحات تابعونا
-----------------------------------------------------------------------
اهم ما فى الموضوع والصفح اعدادات الوايرلس بالجهاز
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 802x887 .

طبعا دى الاختيارت المتاحة قدامنا من السوفت المفتوح الى فيه كل الاختيارت الى نحتاجها فى اى اكسس بوينت واى جهاز وايرلس بشكل عام
-------------------------------------------------
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 807x886 .

والصورة توضح ان الجهاز يتم رفع البور بتاعة بكل سهولة طبعا من خانة تعديل ال TX power ويمكن وضع قيمتها القسوى حسب المود التى تعمل عليه هناك مثلا المود B اخر شئ ليه 21 dbm والمود G اقسى شئ له 30 dbm والمود N اقسى بور له 28 dbm
-------------------------------------------------------------
نيجى بقى لحاجة جديدة خالص وتقريبا مش موجودة غير الى DD-WRT وانا عن نفسى لسه هكتشفها وهيه النقطة الاخيرة LAZY WDS
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1024x634 .

وانا فى القريب العاجل هكتشفها كليا واشرحها بالتفصيل ان شاء الله
------------------------------------------------------
طبعا الجهاز بقوتة 400 ميجا هرتز للمعالج وبه خاصية الهوت سبوت لا يحتاج الى سيرفر ولا اى حاجة تانية ودى صورة من اعدادات الهوت سبوت بداخلة
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1024x788 .

طبعا مش متفعلة وانت تفعلها وتختار برنامج الهوت سبوت الى يناسبك
----------------------------------------------------------
حاجة جميلة اوى اوى ومفيدة جدا
اداة جديده تخليه يبحث عن الشبكات الى فى المنطقة عندك ورسم تخيلى لمكان الشبكات دى وقوت اشارتها وكل حاجة عنها

طبعا ودى مش نهاية موضوعنا النهاردة هنكتفى بدة والموضوع لسه ماخلصشى وليه تكملات كتير وياريت تتابعوة بأستمرار
والمشاركة الى بعد دى هتكون لتجربة الجهاز الفعليه والعملية قدامنا على الطبيعة بس انا هسيبه 7 ايام شغل متواصل للأب تيم علشان احكم عليه بجد وانا هحجز المشاركات ان شاء الله
ونيجى بقى للناس الى عاوزة تشترى الجهاز بالنسبة لبعض الناس الى قابلو مشاكل مع الموديل القديم WHR-HP-G54 طبعا فى ناس كتير نزلت السوفت بس مش عارف تعمل اعداداتة او العمليه بايظة معاهم
اقولهم الشركة بتنزل الموديلات دلوقتى نازل عليها بالفعل السوفت المطور DD-WRT ومفعل فيه كل شئ مجرد انك تعمل اعدادات شبكتك وتختار الدولة وتظبط البور الخارج من الجهاز وخلاص
الى هوة موديلة
WHR-HP-G54DD دة الى اقصدة وبييجى معاه انتنا 4 دى بى بافلو وليست 2 دى بى
نيجى لجهازنا الجهاز لما هتشترية فى البدايه هتلاقى فيها

عدد 1 شاحن بافلو الخاص بالموديل دة
عدد 2 انتنا 2 دى بى (بعض الاحيان يضع معاه 2 انتنا 7 دى بى )
عدد 1 كتالوج
عدد 1 اسطوانة خاصة بتعليمك كل شئ عن الجهاز
عدد 1 كابل شبكة 1 متر اصلى
عدد 1 شهادة ضمان لمدة سنتين من اى وكيل معتمد لشركة بافلو تكنولوجى
طبعا هييجى معاه استاند تحط الجهاز عليه زى الى فى الصورة وهييجى معاه حامل علشان لو هتعلقة فى الحيطة

ارجو من اخوانى تنبيهى فى حين غفلت عن عدم ذكر اى شئ يخص الجهاز وهذا الموضوع مفتوح للنقاش عن الجهاز دة ان شاء الله واى سؤال او مساعدة فية انا موجود ان شاء الله ويكون من خلال الموضوع هنا
ارجو من بعض الاخوة عدم التعصب تجاة منتج معين ولكن انا من محبين ومعجبى منتجات الشركة اليابانية وليس لانى اصبحت موزع لهم اننى امدح فى منتجاتهم فلكل شئ مميزاتة وعيوبة وعيب الجهاز الذى اراة ان البور الخاص بيه على المود B قليل جدا
اخوكم فى الله أيمن السيد