بسم الله الرحمن الرحيم


بعد الصلاة على الحبيب المصطفى


بالمختصر المفيد انا كنت دامج بالطريقة العادية وبعد كدا زهقت منها فقلت أجرب البريدج والحمد لله اشتغلت تمام لكن المشكلة اللى قابلتنى هى ازاي تدخل على الراوتر زي ما قبلت المشكلة دى ناس كتير

المهم ومن الاخر لقيت أسلم حل من غير ما ناخد سلوك من الراوتر ونشغل ونشتغل نفسينا

لقييت انه لو عطيت لراوتر الدمج أيبي فى نفس رينج الراوتر يشوفه على طول

يعنى الحل كالتالى

تشوف أيبيه الراوتر الاول كام وتفتح الوينبوكس للدمج وتدخل على address وتضيف أيبي فى نفس الرينج للايثر نت أو لفتحة الراوت وخد بالك مش الppp يعنى وانت بتختار interface لل address الجديد دا هيكون wan أو in على حسب مانت مسمى فتحة الراوتر

ونكرر نفس الكلام تانى للراوتر التاني يعنى هتشوف الراوتر التانى عاطيله أيبي كام وتاخد ايبي نفس الرينج وتدخل address وتحطه والانترفيس هنا يكون انترفيس الراوتر التانى

وبدون تكرار نفس الحكاية للراوتر التالت والرابع

مثال

دالوقتى احنا عاملين الدمج كالتالى

مسميين الانترفيس كالاتى
in1 للراوتر الاول اللى أيبيهه 192.168.1.1
in2 للراوتر الثانى اللى أيبيهه 192.168.2.1
in3 للراوتر الاول اللى أيبيهه 192.168.3.1
in4 للراوتر الاول اللى أيبيهه 192.168.4.1




يبقى هنعمل كالتالى
هندخل ip ثم address ثم add (الزائد) ونكتب أيبي وليكن 192.168.1.2 ودا طبعا فى نفس رينج الراوتر الاول اللى أيبيهه 192.168.1.1 و نختار من interface الاختيار in1 اللى طبعا متوصل عليها الراوتر الاول وok ويبقى كدا نقدر ندخل ع الراوتر الأول

نكرر الكلام تانى للى لسه مستوعبش وللى عايز يثبت المعلومة


واحنا لسه واقفين فى شاشة الaddress بعد ما انضاف ايبي في رينج الراوتر الاول
نضغط add (الزائد) ونكتب أيبي وليكن 192.168.2.2 ودا طبعا فى نفس رينج الراوتر التانى اللى أيبيهه 192.168.2.1 و نختار من interface الاختيار in2 اللى طبعا متوصل عليها الراوتر الثانى وok ويبقى كدا نقدر ندخل ع الراوتر التانى

ونكرر الحكاية دى لكل الرواتر


ولازم ناخد بالنا فى الحكاية دى مقربناش ناحية ppp واللى هتلاقيها موجودة برده فى interfaces

وبس خلاص

وتقدر كدا تدخل على الروترات وسلامو عليكم